Arthea Arese Sunico Quesada
masaya akong kasama kita ang puso ko'y palukso-lukso pa 'di maipinta ang nadarama basta kapiling ang Mayaring sinasamba mabagal ang usad ng panahon walang saysay magbilang ng bituin nakahimpil kahit ihip ng hangin 'pag ang puso sa iyo na nakatuon masaya akong sumusunod sa 'yo bawat hakbang, bawat liko, bawat paroroonan, bawat dadaanan ang landas mo lamang aking susundan masaya akong pinapangarap ka sa panaginip man laging nakikita sana pagdilat nandidito ka sana manatili at mayakap nang mahigpit ka kahit may tanim na poot sa iyong puso, at ako'y iyong kinasusuklaman, kinahihiya, tinatalikuran, at iniiwasan hinding-hindi pa rin kita iiwan mapahiya man ako sa buong madla, o iwanan sa itaas o sa gitna, ang puso kong nasasaktan makakaya ang gawad mong kaparusahan sa aking mga kakulangan at kahinaan na patuloy na sinasariwa at hinuhukay pinagdudusahan kong kay tagal sadya pa rin bang kulang? sa marahas na paghuhusga iyong panig lamang ang pinahalagahan, ang kabila nanatiling tikom, tago, at 'di na napakinggan matagal ko man nais sabihin sa 'yo maging ngayon 'di pa rin naiintindihan kung bakit isang sandali ay laging hinihingi at sana'y mapagbigyan ayaw kong tayo'y nagkakasakitan o magkalamat man ang ating pagsasamahan kaya kahit ako na lang ang mag-isang masaktan sa pananatili mong tahimik at matigas na kalooban anong pangarap kong maibahagi sa iyo ang lahat-lahat at buhay ko wala naman akong pinaghahatiang iba sa iyo lamang dahil ikaw ay iisa 'di mo kailangan akong lingunin kung iba ang nais mong makapiling nguni't sana minsan ako'y harapin 'pag ang puso sa 'yo'y may aaminin marami pang dapat linawin, ang maibahagi, pagsaluhan, at susuriin nguni't papaano kung lagi itong inilihim, tinutulak, at ayaw dinggin? ang tanging inaasam ko sana magkalapit tayo at maging mas mabuting kaibigan para sa 'yo nguni't paano magsisimula, sa patuloy na pagwawalang bahala nang napakong salita? marami akong pagkukulang sa iyo at ito'y alam kong hindi nalilimot mo gusto ko muling magsimula at lahat ay maiwasto at mapatunayan ang ganap kong pagbabago itatanggi mo ang lahat ng nadarama ko hindi mo paniniwalaan ang pagtingin ko nguni't kahit iba man ang pananaw mo mananatiling pag-ibig itong nasa puso ko mahirap isipin, mahirap paniwalaan nguni't masaya ako, lumuluha, nasasaktan nagdurusa't pinagmamalupitan, nguni't masaya ako dahil ikaw ang mahal, pag-ibig, sinta, at irog ko ikaw lamang Arthea ang pinakamamahal ko walang mas nauna, susunod o hihigit pa Arthea Arese lamang ang sigaw ng puso ko Arthea Arese ang love ko...
